5-04-1013-02 Арганізацыя гасцінічных паслуг
Кваліфікацыя: Спецыяліст па гасцінічным сэрвісе
Спецыяльнасць "Арганізацыя гасцінічных паслуг", адкрытая ў 2020 годзе, прыцягвае неардынарных навучэнцаў, гатовых служыць людзям, быць мабільнымі і здольнымі папаўняць прафесійныя веды на працягу ўсяго жыцця. Навучанне будучых прафесіяналаў гасцінічнай індустрыі ў каледжы ажыццяўляе творчы кваліфікаваны калектыў цыклавой камісіі спецыяльнасці. Выкарыстоўваючы сучасныя формы навучання, педагогі каледжа вырашаюць комплексную задачу па падрыхтоўцы спецыялістаў, здольных забяспечыць аб'яднанне некалькіх складнікаў кваліфікацыі: спецыялістаў па гасцінічным сэрвісе, турагентаў і пакаёўак.
Для паспяховага ажыццяўлення пастаўленых мэт выкарыстоўваецца матэрыяльна-тэхнічны патэнцыял установы адукацыі: створаны і абсталяваны кабінеты «Эканомікі і арганізацыі гасцінічнай гаспадаркі. Сэрвіснай дзейнасці», «Браніравання гасцінічных паслуг. Арганізацыі і тэхналогіі работы службы прыёму і размяшчэння. Стандартызацыі і сертыфікацыі гасцінічных паслуг».
Адмысловец гасцінічнай індустрыі абавязаны ўмець браць на сябе адказнасць, быць здольным урэгуляваць канфлікт у калектыве, адрознівацца цярпеннем, паважлівым стаўленнем да іншых культур, мовам і рэлігіям, валодаць замежнымі мовамі, кампутарнымі тэхналогіямі. Таму апроч тэарэтычных ведаў у галіне гасцінічнай і сэрвіснай дзейнасці, менеджменту і маркетынгу, сертыфікацыі гасцінічных паслуг, навучэнцы каледжа знаёмяцца з этыкай і псіхалогіяй зносін у сферы абслугоўвання, прававым рэгуляваннем у гэтай галіне, дакументацыйным забеспячэннем кіравання гасцінічнай дзейнасці, асаблівасцямі вядзення турызму і гасціннасці.
На практычных занятках навучэнцы авалодваюць уменнямі па афармленні дагавораў, дакументацыі па браніраванні гасцінічных паслуг, арганізуюць працу службы прыёму і размяшчэння гасцей, атрымліваюць навыкі па складанні і правядзенні экскурсій, у тым ліку на замежнай мове. Шырокае выкарыстанне тэхнічных сродкаў навучання дазваляе падрабязна пазнаёміць будучых спецыялістаў з арганізацыяй гасцінічных паслуг і выдатнымі мясцінамі Беларусі.
Навучэнцы спецыяльнасці "Арганізацыя гасцінічных паслуг" актыўна падарожнічаюць па родным краі, вывучаюць арганізацыю работы гасцінічных аб'ектаў, знаёмяцца з помнікамі культуры і архітэктуры Міншчыны.
Выпускнікі спецыяльнасці «Арганізацыя гасцінічных паслуг» могуць працягнуць навучанне ў скарочаныя тэрміны па выбраным профілі ва УА «Беларускі дзяржаўны ўніверсітэт фізічнай культуры», УА «Брэсцкі дзяржаўны ўніверсітэт ім. А.С. Пушкіна», УА «Гродзенскі дзяржаўны ўніверсітэт імя Янкі Купалы» і ў іншых установах вышэйшай адукацыі Рэспублікі Беларусь.